VA TENER LLUGAR EL VIENRES 13 D’AVIENTU A LES 19:30 HORES NA SALA POLIVALENTE DE LA CASA CULTURA

La Candidatura a Padremuñu Cultural de la Humanidá y la concesión del Moscón d’Oru 2019 a la cultura sidrera son dos bonos argumentos pa que’l cronista oficial de Grau decidiera pronunciar una charra na que va encetar la hestoria de la fabricación de sidre nel conceyu de Grau.

“¿Ye Grau un conceyu sidreru? ¿yvnel pasáu? ¿Qué llagares, sidreríes, fabricantes y vendedores de sidre hebio nel territoriu moscón?… La toponimia, la documentación hestórica, la bibliografía y les fontes orales, van aidamos a responder a éstes y otres custiones rellatives a la hestoria de la sidre en Grau” señalen dende la Casa Cultura del Conceyu.

El llagar de pesa del Muséu Etnográficu, llagares d’espicha como Casa Sindo o L’Infiernu, la Fábrica de sidre axampanao “La Reina de Asturias” y un llargu etc., van ser los protagonistes d’esta charra. Esta actividá enártase na programación de les XII Xornaes d’Estudios Llocales.

Fuente: https://www.lasidra.as/