EL PRIMER CONCEYAL CORTÓ LA CINTA INAUGURAL ACOMPAÑÁU POL PRESIDENTE DE LA FERIA Y DE L’ASOCIACIÓN DE LLIBREROS D’UVIÉU, LEONARDO PRAU, LA CRONISTA OFICIAL DE LA CIUDÁ, CARMEN RUIZ-TILVE, LA CONCEJALA D’EDUCACIÓN, MERCED GONZÁLEZ Y EL CONCEYAL DE CULTURA, ROBERTO SÁNCHEZ RAMOS

L’Acalde d’Uviéu, Wenceslao López, inauguró esta selmana la XXIII edición de LibrOviedo, que va permanecer abiertu en Trascorrales hasta’l próximu día 15. El primer conceyal cortó la cinta inaugural acompañáu pol presidente de la feria y de l’Asociación de Llibreros d’Uviéu, Leonardo Prau, la cronista oficial de la ciudá, Carmen Ruiz-Tilve, la concejala d’Educación, Merced González y el conceyal de Cultura, Roberto Sánchez Ramos.

L’alcalde, qu’aseguró que “amar los llibros ye una forma de ser acaldía más humanos”, aprovechó l’actu pa esplicar que dende’l Conceyu trabayarase pa fomentar la llectura nes xeneraciones más nueves. Nesti sentíu, esplicó que se ta ellaborando un proyectu que contempla la collaboración de les biblioteques municipales y les escolares “pa crear sinergias ente dambes redes coles mires de fomentar la llectura, sobremanera nos barrios d’Uviéu”.

La conceyala d’Educación, pela so parte apostó por abrir a tolos ciudadanos y, cuantimás a los mozos, la rede de biblioteques municipales de la ciudá, “una gran desconocida magar programe mensualmente un montón d’actividaes, como clubes de llectura, talleres d’escritura, cuentacuentos, etcétera”. Amás, sorrayó’l papel de la rede como sofitu a les llibreríes de la ciudá “que tán pasando unos momentos bien difíciles”.

A lo último, el presidente de LibrOviedo citó la incorporación de teatru “con pequenes representaciones d’obres de Cervantes y Shakespeare” o la celebración d’una cata de vinos y de tapes manchegues, como dalgunes de les novedaes de la presente edición de la feria, amás del so horariu ampliáu.

Fuente: http://asturnews.com/