POR LUIS MIGUEL MONTES ARBOLEYA, CRONISTA OFICIAL DE BIMENES (PRINCIPADO DE ASTURIAS)

¿Quién yera la Ratera? Llamábase Juan Carrio (aunque la xente decía-y Xuanín de Llucía), vecín de Santagadía, ena parroquia de Santu Mediru, conciyu de Vimenis. Ena época de sus andancis, mediou el siglu pasóu, tendría unus sesenta oñus.

De estatura mediana, gastaba barbilla clara de aspeutu enfermizu, sus güeyus yerin de tonus variopintus y piquiñus como bolichis de cristal. Siempre llevaba un bastón del que colgaba un gran pañuilu de pita en el que envolvía lis compris que facía nel mercóu. Su mote venía-y de lus mechonis de pilu color panoya que-y caíen sobre lus costozus, quienes lu conocieron decíen que yerin como rous de rata, y que yera más fíu que el dioblu.

Cuando lus sóbodus baxaba al mercóu de Nava tolus guajis esperabin impacientis el posu de la Ratera. Cuando lu veíen, facínse seña unus a utrus, dabin media güelta y llanzando gritus poníen pies en polvorosa. Si por casualidá se cruzaba con algún despistóu decía-y con aquella voz meliflua:

«Voy llevate a comer bercis con gafuris y tarucus restorcíus».

Gustaba-y facer bromis, pero non siempre salía bien paróu. Nuna ocasión, por xuniu postriru, delantre de una tabierna de Rozáis, lus guajis esperáronlu atrincherous y soltaron-y una granizá de pedráis; quedó magullóu per tou el cuirpu y algunis terminaron ena cabeza. De otris mancauris tardó en reponése una güena temporá.

La Ratera yera el cocu de la comarca, y cuando lis madris queríen reprender a lus fiyus, coincidiendo con alguna trastá, decíen-yos: «Va llevate la Ratera». Cuando morrió la Ratera lus guajis de la época, en recuirdu polus malus ratus que yos facía pasar, aliendaron a gustu, aunque pucu tiimpu después ya lu echabin de menus.

FUENTE: L.M.M.A