ESTI AÑU LOS GALLARDONAOS SON,COL VIII PREMIU TIMÓN P’AUTORES N’ASTURIANU Y EONAVIEGO, L’ESCRITOR Y MIENBRU DE L’ACADEMIA DE LA LINGUA XOSÉ BOLADO, Y LA ESCRITORA Y CRONISTA OFICIAL D’UVIÉU CARMEN RUIZ-TILVE

Zarrada yá la programación correspondiente a los meses de setiembre y ochobre, ésta comienza’l vienres viniente con un homenaxe al xesuita asturianista Federico González-Fierro Botas que, partir de les 19:30 y nel patiu del Centru de Cultura Antiguu Institutu de Xixón, va acoyer dellos testimonios sobre la so vida y obra, una llectura n’asturianu y rusu de poemes esbillaos de l’Antoloxía Poética Asturiana acompangada musicalmente por Dani García de la Cuesta, y l’actuación de la Coral Asturiana de Gijón, agrupación qu’interpretará ente más otro un salmu con torna al asturianu del homenaxeáu y música d’Enrique Montes.

El sábadu 27 de setiembre, tamién nel patiu del CCAI y a les 19:30, daráse empiezu a la entrega de los Premios Timón. Esti añu los gallardonaos son, col VIII Premiu Timón p’autores n’asturianu y eonaviego, l’escritor y miembru de l’Academia de la Llingua Xosé Bolado, col V Premio Timón p’autores asturianos en castellanu, la escritora y cronista oficial d’Uviéu Carmen Ruíz-Tilve, y col II Premiu Timón de Cultura Asturina l’asociación Xunta pola Defensa de la Llingua Asturiana. L’actu conducirálu l’actor Alberto Rodríguez y tendrá l’actuación del grupu Taranus.
N’ochobre ábrese’l ciclu Asturies y les sos lliteratures, con sé na Sala de Conferencies allugada nel pisu primeru del CCAI. Asina, el llunes 6 d’ochobre a les 20 hores preséntase’l llibru de José Luis Valladares La casta política, sus abusos y complicidades, qu’axunta artículos sobre la política española de los últimos años, publicados nel so momentu en diversos diarios dixitales y na prensa asturiana. El martes 7 d’ochobre, a les 19:30, ye’l turnu de Les manes enceses, una antoloxía d’Eugénio d’Andrade con poemes traducíos a la nuesa llingua por Antón García. El miércoles 8 d’ochobre, a les 19:30, faise la presentación de Contra’l silenciu, con esbilla y compilación de Berto García de poemes pertenecientes a la cuasi totalidá de los poetes del Surdimientu. El xueves 9 d’ochobre, a les 20 hores, Pilar Sánchez Vicente presentará la so novela más recién, Luciérnagas en la memoria.

La programación de La Vagamar continuará en payares y avientu con tertulies, proyecciones cinematográfiques y más actos lliterarios.

Fuente: http://www.infoasturies.net/